Sentyabrın 22-də  Lənkəran şəhəri Heydər Əliyev Mərkəzinin akt zalında Lənkəran Şəhər İcra Hakimiyyəti və Lənkəran Şəhər Təhsil Şöbəsinin birgə təşkilatçılığı ilə "Erkən nikahlar-günahsız qurbanlar" mövzusunda elmi praktik konfrans  keçirildi. Tədbir yeniyetmə və  gənclərin hüquqi  biliklərinin  artırılması, müasir  cəmiyyətdə sağlam  düşüncəli  gənclərin  formalaşdırılması məqsədi daşıyırdı. Tədbiri giriş sözü ilə Lənkəran Şəhər İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri  Rasilə xanım Əliyeva açaraq tədbirin  məqsədini  izah  etdi. Tədbirdə Ərazi vahidləri üzrə yerli icra nümayəndələri, Lənkəran Dövlət Humanitar Koleci və Lənkəran Dövlət Tibb Kollecinin tələbə-müəllim heyyəti, Lənkəran Şəhər Təhsil Şöbəsindən 100 yuxarı sinif şagirdi, ümmumtəhsil orta məktəbinin direktorları iştirak  etdilər. Məruzə ətrafında  Lənkəran Şəhər Təhsil Şöbəsinin müdiri Şəhanə Əhmədova, Lənkəran  Perinatal Mərkəzinin baş həkimi Nəhmətova Yeganə, Lənkəran VAAQ şöbəsinin aparıcı mütəxəsisi Bəxtiyar Tağıyev, Dini Qurumlarla iş üzrə Dövlət Komtəsinin Lənkəran Bölgəsi üzrə şöbəsinin müdiri Qağayı Məmmədov çıxışlar etdilər.