“Bölgələrdə çalışan həkimlərə güzəştlərin tətbiq edilməsi üçün 5 illik proqram mövcud idi. Artıq növbəti proqramın qəbul olunması üçün Səhiyyə Nazirliyi Nazirlər Kabinetinə müraciət edib”.

Mediatv.az xəbər verir ki, bunu səhiyyə nazirinin müavini Elsevər Ağayev deyib. O bildirib ki, ilbəil bölgələrin həkim təyinatı ilə bağlı problemi azalır: “Lakin buna baxmayaraq, bölgələrdə həkim təminatında yenə də problemlərimiz var”.

Nazir müavini qeyd edib ki, ana və uşaq ölümlərinin sayında artım qeydə alınmayıb:

“İndi hər bir ana ölümü Səhiyyə Nazirliyinin müvafiq komissiyası tərəfindən araşdırılır, ana ölümü mətbuatda işıqlandırılır. Ancaq ümumi rəqəmlərlə götürdükdə, ana və uşaq ölümünün sayında artım müşahidə olunmayıb”.