Rusiyanın Arxangels şəhərində gənc qadın dünyaya gətirdiyi körpəsini ölmək üçün kolluğa tullayıb.

Mediatv.az-ın “musavat.com”-a istinadən məlumatına görə, bu barədə Rusiya İstintaq Komitəsinin Arxangels vilayət bölməsi xəbər yayıb. Başabəla anaya qarşı cinayət işi açılıb. 34 yaşlı qadın öz körpəsinin qətlində ittiham edilir.

Təzə doğulan körpənin meyiti sentyabrın 6-da yaşayış binalarından birinin yaxınlığındakı kolluqda tapılıb. Təhqiqatın gəldiyi nəticəyə görə, körpə binanın damında doğulub, bundan sonra “qayğıkeş” mamaşa onu sıx kolluq olan yerə tullayıb. Onun niyə belə etdiyi hələlik məlum deyil.

İlkin məlumatlara görə, əgər vaxtında ilkin tibbi yardım göstərilsəymiş körpə oğlan uşağı sağ qala bilərmiş.