Səhiyyə Nazirliyi tərəfindən lisenziyasının ləğvi ilə bağlı qərar verilən “Lazer Beauty Klinikası” hələ də fəaliyyətini davam etdirir.

TNS-in məlumatına görə, hazırda klinikada çoxsaylı müştərilərə uyğun xidmət verilir.

Qeyd edək ki, Səhiyyə Nazirliyi Analitik Ekspertiza Mərkəzi tərəfindən “Lazer Beauty Klinikası”nda aparılan yoxlamalar zamanı aşkar edilən nöqsanlarla bağlı İnzibati Xətalar Məcəlləsinin müvafiq bəndlərinə əsasən cərimələrin tətbiq edilməsi ilə əlaqədar məhkəməyə müraciət edilib.

Bu barədə fevralın 14-də Səhiyyə Nazirliyindən məlumat verilib.

Klinikanın lisenziyasının ləğv edilməsi ilə bağlı Səhiyyə Nazirliyi tərəfindən İqtisadiyyat Nazirliyinə məktub göndərildiyi vurğulanıb.