Sosial (Dünən, 15:03)
Avrasiya Hospitalında həkimlər ölüm faktını gizlədib?! - müəmmalı 3000 manat, liftin qırılması və ...+FOTOLAR
Bu haqda Yenixeber.org-a mərhumun qardaşı Mais Məmmədov məlumat verib.
O, qardaşının aldadılaraq Hospitala dəvət edildiyini və heç bir hazırlıq işləri görülmədən damarına stend qoyulması üçün aparılan əməliyyat zamanı dünyasını dəyişdiyini deyib. Zərərçəkən tərəf olaraq Hospitalı ittiham edən Mais Məmmədov onu da israrala qeyd edir ki, qardaşı dünyasını dəyişdikdən sonra onun ölümünü yaxınlarına bildirməməklə daha dəhşətli cinayətə imza atıblar. Belə ki, mərhumun sağ olduğunu, əməliyyat sonu reanimasiyaya yerləşdirildiyini və oksigen aparatına qoşulduğunu deyib və cinayətin baş verdiyi anı uzadaraq ölümün əməliyyatdan deyil, müxtəlif fəsadlardan olduğunu bildirmək istəyiblər.
Lakin bunu sona qədər edə bilməyiblər, Mərhumun yaxınlarının tələb və təzyiqindən sonra nəhayət ölüm faktını etiraf ediblər.
Mərhum Arif Məmmədov hadisədən 14 gün əvvəl, Noyabrın 30-da adıçəkilən Hospitalda əməliyyat olunub və onun 2 damarına stend yerləşdirilib. Ümumilikdə 4 ədəd stend qoyulacaqmış. Əməliyyatı edən cərrah Elnur Əlizadə deyib ki, 14 gündən sonra Bakıda olacaq və daha iki damara stend qoyulacaq. Xatırladaq ki, o Türkiyə Cümhuriyyətində işləyir və ayda iki dəfə gəlib burada əməliyyat edir. Onun üçün xəstələri Zəhra adında tibb işçisi toplayır. Bu dəfə də elə olur...
Arif həkimə və yaxınlarına bildirir ki, damarlarına stend qoyulandan sonra özünü daha pis hiss edir. Onu həkim inandırır ki, bu keçici haldır. Beləliklə onu dekabrın 13 də zəng edib əməliyyata dəvət edirlər. Beləliklə, ğursuzluqla nəticələnən əməliyyat başlayır. Əməliyyat öncəsi mərhum yaxınlarına votsap vasitəsi ilə zəng edərək səs atır: Mənə iynə vurdular, halım daha da pisləşib.
Lakin, Yenixeber.org-a olunan mürəciətdə qeyd edilir ki, həkim Elnur Əlizadə xəstəyə iynə vurduğu ilk anda onun həyatına son qoyur. Bundan sonra heç bir hadisə baş verməmiş kimi digər xəstəni əməliyyat etmək üçün gedir. Axı ayda iki dəfə onun üçün xəstələr yığılır və o Türkiyədən gələrək 1 gün ərzində əməliyyatları edib gedir.
Dəhşətli olaylardan biri də ondan ibarətdir ki, əməliyyatı icbari sığortanın maliyyə dəstəyi ilə etdirdiklərini deyən hospital rəhbərliyi qarşı tərəfdən aldıqları 3.000 (Üç min) manata görə heç bir sənəd də verməyiblər.
Bundan əlavə, Mais Məmmədov Yenixeber.org-a bildirdi ki, Hospitalın liftinə minmək istədikdə, liftin şaxtasına yıxılır. 8 qabırğası, diz və çanaq oynaqları, digər əzaları sınır və çat verir. Baclılarının ürəyi gedir, lakin hospitalda heç bir ilk tibbi yardım göstərilmir. Neftçalada toyda olan baş həkim Azər Nağıyevə zəng olunur. Bundan sonra bir şəfqət bacısı yaxınlaşır, hospitalda ağrıkəsici iynənin belə olmadığını deyir. Məcbur olub, Hospitala təcili tibbi yardım çağırılır...
Redaksiyadan: Biz Yenixeber.org olaraq məlum prinsip və qanunlara uyğun olaraq yazıda yer alan iddialarla bağlı qarşı tərəfi də, dinlədik. Bizimlə telefon söhbətində Avrasiya Hospitalının direktoru Vaqif Mirzəyev səslənən iddialarla razılaşmadı: Xəstənin vəfatının araşdılımasında biz də, maraqlıyıq. Hazırda müvafiq ekspertiza aparılır. İddia olunan 3000 manat da, yalandır. Əgər belə hal olubsa, ortaya bir sübut qoyulsun. Lift məsələsinə gəlincə, bildirim ki, xəstənin yaxınları lifti ayaq zərbələri ilə zədələyiblər və mən qaışıq Hospitalın 4 əməkdaşına zor tətbiq edib, bədən xəsarəti yetiriblər. Hazırada həm ölüm faktı, həm də zorakılıqla bağlı Nəsimi Rayon Prokurorluğunda araşdırma aparılır.
