Milli Məclisin çoxillik üzvlərindən biri Bəxtiyar Əliyevin 1 sentyabrda keçiriləcək növbədənkənar parlament seçkilərində iştirak edib-etməyəcəyi məlum deyil.
Deputata bu barədə suallar ünvanlamaq istəsək də, gün ərzində telefon zənglərini cavabsız qoydu.
Qeyd edək ki, Bəxtiyar Əliyev bitərəf kimi 118 saylı Ağdam seçki dairəsindən bir neçə dəfə deputat seçilib. Ramiz Mehdiyevin yaxın kadrlarından sayılan B.Əliyev sonuncu deputatlığı dövrüdə BDU-nun Psixologiya kafedrasının müdiri vəzifəsindən azad edilib. Oğlu isə Dövlət Reklam Agentliyi İdarə Heyətinin üzvlüyündən kənarlaşdırılıb.
İnformasiyalı qaynaqlar “AzPolitika.info”-ya B.Əliyevin siyasi dairələrdən gözlədiyi dəstəyi almadığını, bununla belə hələ də gözləmə mövqeyində durduğunu, mediadan da ona görə qaçdığını qeyd ediblər.
“AzPolitika.info”