"Sabunçu Tikinti-Quraşdırma" QSC məhkəməyə verilib.

Mediatv.az FED.az-a istinadla xəbər verir ki, buna səbəb İctimai Qayda, İctimai Təhlükəsizlik və İctimai Mənəviyyat Əleyhinə Olan İnzibati Xətalardır.

Belə ki, “Sabunçu Tikinti-Quraşdırma” QSC barəsində İnzibati Xətalar Məcəlləsinin 518.1-ci maddəsi ilə (Yanğın təhlükəsizliyi qaydalarının pozulması və ya yerinə yetirilməməsi) protokol tərtib olunub.

Xatırladaq ki, həmin maddəyə əsasən mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə hüquqi şəxslər 350 manatdan 500 manatadək məbləğdə cərimə edilir.

İş Bakı Şəhəri Nərimanov Rayon Məhkəməsində hakim Gültəkin Əsədovanın icraatındadır.

Məhkəmə ilə əlaqəli baxış iclası 14.03.2023, saat 09:20-ə təyin edilib.шаблоны для dle 11.2