Abşeronun icra başçısı Zakir Fərəcovla uzunmüddət güvəndiyi və onların sayəsində böyük imkanlar sahibi olduğu kürd qruplaşması arasında ciddi narazılıq yaranıb. JAM.AZ-a verilən məlumata görə, bu narazılığın yaranmasının səbəbi kimi, Fərəcovun rəhbərlik etdiyi rayonda onlarla birgə gördüyü işlər zamanı ortaya çıxmış xoşagəlməz mənzərələr göstərilir. 

Məlumatda vurğulanır ki, icra başçısı birgə işlərdən əldə olunan gəlirlərin bir qismini gizlətməkdə şübhəli bilinir. Bu isə qruplaşma üzvləri və rəhbərlərinin xoşuna gəlməyib. Elə bu səbəbdən də qısa müddətdə Abşeronda bir neçə səs-küylü həbs prosesi həyata keçirilib. Hətta onların içində icra başçısının «sağ əli» və ya «kassası» kimi tanınan şəxslərlə bərabər, hətta başçının bacısı oğluna qədər əksəriyyətin adları çəkilir. Yəni, vəziyyət o qədər ağırdır ki, Abşeronun rəhbəri nə edəcəyini belə bilmir. Geriyə dönüş edərək, yenidən kürd qruplaşması ilə yola gedə biləcəyini mümkünsüz görən sözügedən şəxsin özünə yeni komanda axtardığı iddia edilir. 

Məlumatlarda deyilir ki, kürd qruplaşması ilə yollarını ayıran icra başçısı bundan sonrakı mərhələdə daha hansı adamlarını itirəcəyini düşünməkdədir. Çünki sözügedən güc mərkəzi məsələni bu şəkildə boş buraxmaq fikrindən uzaq görünür. Və böyük ehtimalla Zakir Fərəcova qarşı mütəmadi olaraq addımlar atacaqlar. 

Qarşı tərəfi də dinləməyə hazırıq.