Azərbaycan müdafiə naziri general-polkovnik Zakir Həsənov Türkiyədə səfərdədir.

“Mediatv.az” “Haber Global”a istinadən xəbər verir ki, Azərbaycan Müdafiə Nazirliyinin nümayəndə heyəti bu gün səhər saatlarında ilk olaraq “Anıtkabir” memorialını ziyarət edib, Mustafa Kamal Atatürkün mavzoleyinə əklil dəstəsi qoyub.

Zakir Həsənov xatirə kitabına ürək sözlərini yazıb.

Daha sonra Türkiyə və Azərbaycan müdafiə nazirləri arasında görüş başlayıb. Görüşdə ikitərəfli münasibətlər, eyni zamanda regional məsələlər müzakirə ediləcək.

Qeyd edək ki, Azərbaycan və Türkiyə müdafiə nazirləri Zakir Həsənovla Hulusi Akar arasında son görüş ötən ilin noyabrın 8-də baş tutmuşdu.