ABŞ Dövlət katibinin köməkçisinin Avropa və Avrasiya məsələləri üzrə müavini Erika Olson Qafqaza (Ermənistan, Azərbaycan və Gürcüstan) səfər edəcək.

Mediatv.az xəbər verir ki, bu barədə məlumatı ABŞ-ın Ermənistandakı səfirliyi yayıb.

Olsonun Cənubi Qafqaza səfərinin məqsədi regional əməkdaşlığın stimullaşdırılması və ikitərəfli məsələlərin müzakirəsidir.

Amerikalı diplomat Ermənistana səfəri çərçivəsində noyabrın 2-dən 4-nə qədər ABŞ-ın Cənubi Qafqaz regionunda missiya rəhbərləri ilə görüşdə iştirak edəcək. İclasda ABŞ-ın Azərbaycan, Ermənistan və Gürcüstandakı səfirləri, Minsk qrupunun amerikalı həmsədri Endryu Şofer və başqaları da iştirak edəcək.