Estoniya Rusiyadan Pskov və Sankt-Peterburq vilayətlərinə aid bəzi ərazilərin geri qaytarılmasını tələb edib.

Ukrayna, Moldova kimi ölkələrdən sonra Estoniya da açıq şəkildə Rusiyaya etirazını bildirir.

Maraqlıdır, bundan sonra Gürcüstan, Polşa kimi ölkələr də Rusiyaya qarşı açıq mübarizəyə keçə və itirilmiş ərazilərin geri qaytarılması uğrunda mübarizəyə başlaya bilərmi? Ümumiyyətlə Rusiyaya qarşı Qərb dalğasının yaranması mümkündürmü?

Mövzu ilə bağlı "Mediatv.az"-a danışan Beynəlxalq Münasibətlərin Təhlili Mərkəzinin sədri Fərid Şəfiyev Rusiyaya qarşı açıq etiraz dalğasının son bir neçə ildə xüsusilə artdığını bildirib:

"Estoniya ilə Rusiya arasında olan münaqişə ilə Rusiya - Gürcüstan konflikti arasında fərqlər var. Yəni, Gürcüstan ərazisində rus qoşunları var, lakin Estoniyada vəziyyət belə deyil. Estoniya mövcud problemi illlərdir ki, qabardır.

Rusiya bir neçə ildir ki, açıq şəkildə digər ölkələrin ərazi bütövlüyünü pozur. Bunun nəticəsidir ki, həmin ölkələr Rusiyaya qarşı uca səslə çağırışlar edir.

Putin bir neçə dəfə Estoniya ilə bağlı məsələyə sərt reaksiya verib. Amma Latviya ilə olan problem hələ ki, o mərəhələdə deyil. Bu baxımdan digər ölkələrin Rusiyaya qarşı birləşəcəyini və Qərb dalğasının olacağı qənaətində deyiləm".

Politoloq Araz Aslanlı Estoniyadan sonra bir sıra ölkələrin Rusiyaya qarşı çıxa biləcəyi qənaətindədir:

"Xanlıqdan Sovet dövrünədək Rusiya ərazi və təsir dairəsini ya çox genişləndirib ya da itirib. Bütün mərhələlərdə Rusiyanın hegomonluğu etiraz doğurub.

Rusiya imperealist maraqları geridə qoyan bir çərçivə formalaşdırsaydı indiki vəziyyət tamam fərqli olardı. Rusiya nə SSRİ kimi qala bilir, nə də bərabərhüquqlu dövlətə çevrilə bilir. Bu mövqe Estoniyadan sonra bir sıra ölkələrin Rusiyaya qarşı çıxsması ilə nəticələnə bilər".шаблоны для dle 11.2