Ermənistan Müdafiə Nazirliyi itkilərlə bağlı məlumatları açıqlamağa başlayıb. 
Mediatv.az xəbər verir ki, ermənilər ilkin olaraq iki yüksək rütbəli hərbçilərinin ölümü haqda məlumat yayıblar.
Bu barədə Ermənistan Müdafiə Nazirliyinin mətbuat katibi Şuşan Stepanyan açıqlama verib. Şuşan Stepanyanın feysbuk səhifəsində verdiyi məlumata görə, mayor Qaruş Ambartzumyan və kapitan Sos Elbakyan Ermənistan-Azərbaycan sərhədinin şimal-şərq hissəsində atışma nəticəsində ölümcül yaralanaraq həlak olub.
Ermənistan vətəndaşları isə ölənlərin sayının çox olduğu, lakin rəqəmlərin gizlədildiyi qənaətindədir.
Qeyd edək ki, Azərbaycan Müdafiə Nazirliyinin rəsmi məlumatına görə, düşmənin aktiv fəaliyyətinin qarşısının alınması məqsədilə görülən cəza tədbirləri nəticəsində ona məxsus müxtəlif təyinatlı hərbi texnika, döyüş vasitələri, komanda məntəqəsi, müdafiəsinin dərinliyindəki ehtiyatlar və canlı qüvvəsi məhv edilib.шаблоны для dle 11.2