Azərbaycanın Gürcüstandakı səfirliyinin təşəbbüsü ilə Şida Kartli bölgəsinin aztəminatlı ailələri üçün 200 qutu ərzaq çatdırılıb.
Mediatv.az xəbər verir ki, yardım Azərbaycanın Gürcüstandakı səfiri Dursun Həsənov, Azərbaycanlı İş Adamları Birliyinin (AZEBİ) İdarə Heyətinin sədri Nəriman Qurbanov və digər şəxslərin iştirakı ilə Qori şəhər meriyasına təqdim olunub.
Şida Kartlinin qubernatoru Giorgi Xocevanişvili yardıma görə Azərbaycan dövlətinə və şirkətlərə təşəkkür edib. Onun sözlərinə görə, bu dəstək Azərbaycan və Gürcüstan arasında yaxın dostluq münasibətlərinin daha bir göstəricisidir.
Qeyd edək ki, AZEBİ-nin maliyyə dəstəyi ilə həyata keçirilən kampaniya çərçivəsində indiyədək Tbilisi və Rustavi şəhərləri, Marneuli, Bolnisi, Qardabani rayonlarına ərzaq yardımları göstərilib. Növbəti mərhələdə yardım Kaxeti bölgəsinə çatdırılacaq. Kampaniya çərçivəsində ümumilikdə 1 000 ailə yardımla təmin olunacaq.  шаблоны для dle 11.2