Rusiya prezidenti Vladimir Putin amerikalı həmkarı Donald Trampla Suriyadakı vəziyyəti, Ukrayna münaqişəsini, həmçinin kibercinayətkarlıqla mübarizə məsələlərini müzakirə edib.

Mediatv.az-ın TASS-a istinadən xəbərinə görə, bu barədə Rusiya lideri Yaponiyanın baş naziri Sindzo Abe ilə görüşü zamanı deyib. Putinin Trampla görüşünün uzanması səbəbində Yaponiya lideri bir saat gözləməli olub.

“Mənim ABŞ prezidenti ilə uzun söhbətim olub. Bir çox məsələlər müzakirə olunmalı idi — Suriya böhranı, Ukraynadakı vəziyyət və digər məsələlər”, - Putin bildirib. 

Putin Yaponiya baş nazirini gözlətdiyinə görə, həm öz, həm də amerikalı həmkarı adından üzr istəyib.