Türkiyə prezidenti Rəcəb Tayyib Ərdoğan Qətərin ətrafında yaranan siyasi qalmaqalı şərh edib.

Mediatv.az Trend-ə istinadən xəbər verir ki, Türkiyə prezidenti ərəb ölkələrinin Qətərə qarşı göstərdiyi münasibəti pisləyib və tərəfləri dialoqa çağırıb.

Ərdoğan bildirib ki, baş verən hadisələr regiondakı bütün ölkələrə ziyan vuracaq.

Xatırladaq ki, Səudiyyə Ərəbistanı, Bəhreyn və BƏƏ, həmçinin Misir Qətəri terror təşkilatlarına və onların bu ərəb ölkələrində daxili vəziyyəti gərginləşdirmək üzrə fəaliyyətlərinə dəstək verməkdə ittiham edərək rəsmi Doha ilə diplomatik əlaqələri kəsdiklərini bəyan ediblər.

Daha sonra bu ölkələrin sırasına Yəmən, Liviya, Maldiv və Mavrikiy də qoşulub.