“AXCP Etimad Qurultayı Təşkilat Komitəsi qurultay gününü oktyabrın 18-nə təyin etdi. Bakı şəhər meriyasına Səttar Bəhlulzadə adına Mədəniyyət Sarayında keçirmək üçün müaricət göndərdik. Qurultaya bir çox xarici qurumların, eləcə də ölkədə fəaliyyət göstərən partiya və təşkilatların nümayəndələri dəvət olunacaq”.

Mediatv.az xəbər verir ki, bunu AXCP Etimad Qurultayı Təşkilat Komitəsi sədri Razi Nurullayev bildirib.Onun sözlərinə görə qurultayın vaxtı heç də təsadüfi seçilməyib. 

"Belə ki, 1991-ci il oktyabrın 18-də Azərbaycan Respublikası Ali Sovetinin sessiyasında "Azərbaycanın dövlət müstəqilliyi haqqında Konstitusiya Aktı" qəbul olunub və bu mühüm tarixi sənədlə xalqımız uzun illərdən bəri həsrətində olduğu azadlığına qovuşub. AXCP EQTK qurultay üçün bu tarixi seçməklə xalqa Əbülfəz Elçibəyin ideyalarını davam etdirəcəyi mesajını verir”,-deyə o söyləyib.  

Qeyd edək ki, bir müddət öncə Əli Kərimlinin qərarı ilə Razi Nurullayev AXCP sədrinin müavini vəzifəsindən çıxarılıb. Bundan sonra isə o, Əli Kərimli və onun tərəfdarlarını ittiham edib.