Türkiyə baş naziri Əhməd Davudoğlu və CHP sədri Kamal Kılıçdaroğlu koalisiya hökuməti qurmaq üçün üçüncü dəfə görüşüblər.

Avropa.info xəbər verir ki, 7 iyun parlament seçkisindən sonra təkbaşına hökumət qurmaq imkanlarını itirən AKP hökumət qura bilmək üçün bütün imkanları nəzərdən keçirib. 

Davudoğlunun Kılıçdaroğlu ilə ilk görüşü 13 iyunda DHP-nin baş qərargahında keçirilmişdi . İkinci görüş isə bundan bir ay sonra, 10 iyulda baş tutmuşdu. 

Üçüncü görüş bu gün “Ankara Palas”da baş tutacaq. Koalisiya hökumətinin qurulub-qurulmayacağı bugünkü görüşdə sonra dəqiq məlum olacaq. Bundan əvvəlki görüşlərdə AKP və CHP heyətləri hazırlıq görüşləri keçirmiş, hesabatlar hazırlamışdılar. AKP qərargahı və Nazirlər Kabineti hesabatları nəzarətə götürmüşdü.

Yekun qərar Davudoğlu ilə Kılçdaroğlunun təkbətək görüşündən sonra məlum olacaq. Görüşdə Mədəniyyət və Turizm naziri Ömər Çəlik, CHP sədr müavini və partiya mətbuat katibi Haluk Koç və digər şəxslər iştirak edir. 

Görüşün sonunda Ədməd Davudoğlu və Kılçdaroğlunun şam yeməyi yeyəcəyi bildirilir.