Şəkinin keçmiş icra başçısı Murad Cabbarlı və həmçinin “Azərinşaat” MMC-nin rəhbəri Mehdi Əliyev də həbs edilib. 

“Mediatv.az” xəbər verir ki, bu haqda virtualaz.org saytı xəbər yayıb. Xəbərə görə, məhkəmə adıçıkilən şəxslər barədə 4 aylıq həbs-qətimkan tədbiri seçib.

Sayt yazır ki, Murad Cabbarlı və Mehdi Əliyevin də adı “Cahangir Hacıyev işi”ndə keçir. M. Cabbarlı  Beynəlxalq Bankdan götürdüyü kreditləri mənimsəməkdə ittiham olunur. O, Bankın sabiq rəhbəri Cahangir Hacıyevə yaxın şəxslərdən hesab olunur. M.Cabbarlı Şəkinin icra başçısı postuna da C.Hacıyevin dəstəyi ilə təyin olunmuşdu.

Məlumatda o da bildirilir ki, M.Cabbarlı C.Hacıyevin yaxından köməyi ilə Beynəlxalq Bankdan 200 milyon manata kredit götürmüşdü. Sabiq icra başçısı bu pula Şəkidə kərpic zavodu tikdirmişdi. Lakin bankdan götürülən pulların böyük hissəsi sabiq icra başçısı tərəfindən mənimsənilmişdi.

M.Əliyev də C.Hacıyevin köməyi ilə Beynəlxalq Bankdan iri məbləğlərdə kredit götürərək həmin pulların mənimsənilməsində ittiham olunur.