Bu sözləri Mediatv.az-a ABB-nin adının çəkilməsini istəməyən əməkdaşı deyib. 

«Bəli, 54 yaşlı Cahangir Hacıyevin qəfildən, özü də səhhətini bəhanə gətirərək, istefaya yola salınması nə qədər gözlənilməz olsa da, onun sonrakı taleyi də bir o qədər gözlənilməz istiqamətdə cərəyan edir. Bəziləri ona başqa vəzifə veriləcəyi, bəziləri isə onun ölkəni tərk edəcəyini gözləyirdi. Ancaq fakt odur ki, bunların heç biri baş verməyib. Hətta Cahangir müəllimin ölkədən çıxışına  məhdudiyyət qoyulduğu haqda xəbərlər də dolaşır».

 «Bi aya yaxındır bütün filiallarda, o cümlədən Beynəlxalq Bankın Moskva filialında yoxlamalar gedir.

 Bu yoxlama nəticəsində isə Cahangir Hacıyevin bankın mərkəzi ofisi daxil, filiallarına yerləşdirdiyi ən yaxın adamlarının «vurulma» prosesinin davam edəcəyi də gözlənilir. Bu proses, həm də onu göstərir ki, Cahangir Hacıyevlə bağlı hələ də yekun rəsmi qərar yoxdur. Məncə, bankda aparılan yoxlamaların nəticəsinə uyğun olaraq, Cahangir Hacıyev daha sərt cəzalandırılacaq. Düzdür, yoxlamadan üzüağ çıxacağı halda, onun ölkənin üzdə olan banklarının birinə, daha dəqiqi,  «Bank Technique»yə rəhbər göndərilməsi də müzakirə mövzusudur. Bu baş verərsə, onun ABB-də qalan kadrlarının həmin banka növbəti transferi baş verəcək».