Daxili işlər naziri general-polkovnik Vilayət Eyvazov 9-10 oktyabrda Gəncə Şəhər Baş Polis İdarəsində növbəti vətəndaş qəbulu keçirib.Mediatv.az  xəbər verir ki, Baş Polis İdarəsinin inzibati binasında Gəncə, Goranboy, Naftalan, Göygöl, Samux, Kəlbəcər, Xocalı şəhər və rayonlarından qəbula gələn 323 vətəndaşın müraciətini dinləyən nazir onların problemlərinin həlli üçün nazirliyin aidiyyəti baş idarə və idarə rəislərinə tapşırıqlar verib. Müraciətlərin əksəriyyətinin yerində həlli ilə bağlı tədbirlər görülüb.