12 sentyabr 2024-cü il tarixdə Abşeron Rayon İcra Hakimiyyətinin başçısı Abdin Fərzəliyevin rəhbərliyi ilə Azərbaycan nümayəndə heyəti Rusiya Federasiyası Həştərxan vilayəti qubernatorunun vəzifə səlahiyyətlərinə başlaması münasibətilə bağlı keçirilmiş təntənəli mərasimdə iştirak etmişlər.
İlk öncə Rusiya Federasiyası Həştərxan vilayətinin vitse-qubernatoru-Hökümət sədri Denis Afanasyev, Azərbaycan nümayəndə heyətinin tərkibində Abşeron Rayon İcra Hakimiyyətinin başçısı Abdin Fərzəliyev, YAP Abşeron rayon Təşkilatının sədri Abbas Əliyev, “Azərbaycan İş Mərkəzi”nin koordinatoru Nəsimi Məmmədov və yerli diasporanın üzvləri Azərbaycan xalqının Ümummilli Lideri Heydər Əliyevin Həştərxan şəhərində ucaldılmış abidəsini ziyarət etmiş, güllər düzərək əziz xatirəsini dərin ehtiramla yad etmişlər.
Daha sonra nümayəndə heyəti Həştərxan vilayətinin qubernatoru İqor Babuşkinin Həştərxan Opera və Balet Teatrında baş tutan andiçmə mərasimində iştirak etmişdir. Mərasimdə Abşeron Rayon İcra Hakimiyyətinin başçısı Abdin Fərzəliyev çıxış edərək Azərbaycan Respublikası adından təbriklərini çatdırmış və növbəti 5 il ərzində Azərbaycan-Həştərxan arasında müxtəlif sahələr üzrə mövcud strateji əlaqələrin daha da inkişaf edəcəyinə əmin olduğunu bildirmişdir.
 шаблоны для dle 11.2