Mediatv.az xəbər verir ki, Türkiyə hökumətinin uzun zamandır kürd məsələsi ilə bağlı   həll prosesində dönüş yaranıb.

Həll prosesində hökumət rəsmiləri ilə birgə açıqlama edən HDP heyəti, Öcalanın PKK-ya fövqəladə konqres keçirməy çağırışı edib . Öcalan bu konqres sonunda  PKK-nın  silahlı mübarizəni tərk etməsini və siyasətə  qoşulmasını istəyib.

 

HDP İstanbul Millət Vəkili Sırrı Sürəyya Öndər  həll prosesi ilə bağlı bunları deyib

"Bu 30 illik münaqişə prosesini tam sülhə apararkən demokratik bir birliyə  nail olmaq əsas hədəfimizdir.  PKK-nı  bahar aylarında növbədənkənar konqresi toplamağa dəvət edirəm. Bu dəvət silahlı mübarizənin yerini demokratik siyasətin  olması üçün, edilən çağırışdır " 

 

Media üçün açıqlamada  Türkiyə hökumətindən  baş nazirin müavini Yalçın Akdoğan və Daxili İşlər Naziri Əfkan Əla da iştirak ediblər.

Tarixi çağırışı iki cümlə ilə şərh edən  CHP  lideri  Kamal Kılıçdaroğlu bu addımı  müsbət dəyərləndirib.

"Dünyanın heç bir yerində silahların kölgəsində bir sülhdən söz edə bilməzsiniz . Silah buraxma, bu torpaqlara əmin-amanlıq gətirəcək bir addımdır".