“Heç kimə sirr deyil ki, bu gün Ukrayna cəbhəsində Rusiya ilə kollektiv Qərb üz-üzə gəlib. Hətta elə kəskin şəkildə üz-üzə gəlib ki, bəzən Üçüncü Dünya müharibəsinin qaçılmaz olacağı, hətta nüvə müharibəsinin başlayacağına qədər bədbin proqnozlar verilə bilir. Çox təəssüf, Ermənistanın siyasi rəhbərliyinin yeritdiyi siyasət ona gətirib çıxarıb ki, artıq Cənubi Qafqazı bir sıra hallarda Ukrayna ilə müqayisə etməyə başlayıblar. Yəni Paşinyan hökumətinin yeritdiyi siyasət, birmənalı şəkildə Fransanın yanında yer alması, Fransa tərəfindən silahlanması, Fransa Silahlı Qüvvələrini Ermənistana cəlb etmək niyyəti, perspektivlər, Fransanın Ermənistanda hərbi bazasını qurmaq təşəbbüsləri... Bu kontekstdə Kollektiv Təhlükəsizlik Müqaviləsi Təşkilatından çıxmaq, Rusiya sərhədçilərini ölkə ərazisində qovmaq kimi planlar dediyimiz ssenariləri reallaşdıra bilər. Belə olan təqdirdə Rusiya-Ermənistan münasibətlərinin ən gözlənilməz ssenari üzrə inkişaf etməsi mümkündür. İnana bilmirəm ki, bu gün Rusiyanın siyasi rəhbərliyindəki şəxslər tez-tez belə mövqe səsləndirirlər ki, Ukrayna hadisələrinin Ermənistanda təkrarlanmasına imkan verməməliyik”.