Azərbaycan xarici işlər naziri Ceyhun Bayramovla Belarus xarici işlər naziri Sergey Aleynik arasında telefon danışığı baş tutub.

XİN-dən “Qafqazinfo”ya verilən məlumata görə, nazir Ceyhun Bayramov öncəliklə həmkarını bu yüksək vəzifəyə təyin olunması münasibətilə təbrik edib və ona fəaliyyətində uğurlar arzulayıb.

Telefon danışığı zamanı tərəflər Azərbaycanla Belarus arasında mövcud olan çoxölçülü münasibətlərin yüksək səviyyəsini məmnunluqla qeyd edib və ikitərəfli münasibətlərin gələcək inkişaf perspektivlərini müzakirə ediblər.