Masallıda rəsmi ÖZBAŞINALIQ...

Ana səhifə Bizimlə əlaqə

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Region / Slayd (7-07-2022, 09:54)
Masallıda rəsmi ÖZBAŞINALIQ...

Ötən əsrin 90 -cı illərindən miras qalan bəzi zorakılıq ənənələri Masallıda yenidən zühur etməkdədir. Kim güclüdürsə, gücsüzün haqqını tapdalaya və ya dövlət orqanlarının gözləri qarşısında əzişdirib xəsarət yetirə bilər. Dünən bazarda, küçədə, künc - bucaqda bardaş qurub stakanla semiçka və xırdavat satanlar və onların övladları çirkli yollarla əldə etdikləri varidat hesabına imkanlı iş adamları kimi ortaya çıxaraq cəmiyyətə əzələ nümayiş etdirirlər. Onları quduzlaşdıran əsas amil Cənub bölgəsində tüğyan edən narkotik vasitələrin alqı- satqısından qazandıqları puldur! Çox acınacaqlıdır ki, dövlət orqanları bu zümrənin gəlir mənbələrini vaxtında araşdırıb hüquqi tədbirləri həyata keçirtməmişdir. Çirkli pullar isə onları sahibkarlara çevirmişdir. Bu zümrədən törəyənlər hüquq - mühafizə orqanlarında bəzi şəxslərlə sıx bağlantılar qurub bütün problemlərin pulla aradan qalxacağına əmindirlər.
Cari ilin iyun ayında sosial şəbəkələrdə Masallı şəhər sakini Əhədov Emin Əhəd oğlunun may ayının 29 - da qonşuları Spartak və Azər Nadirovlar tərəfindən amansızcasına döyülüb ağır bədən xəsarətləri alması barədə məlumatlar yayıldı. Hadisə ilə bağlı araşdırmalar aparmağa başladıq. Öyrəndik ki, "qoçu"ların ataları "Hacı" Abı Nadirov ötən əsrin 90- cı illərindəki qarmaqarışıqdan istifadə edib İrandan gətirilən xırdavatın və narkotik vasitələrin alqı- satqısıyla varlanıb və Həcc ziyarətinə getdikdən sonra Masallıda imkanlı iş adamı kimi tanınmağa başlayıb. Lakin el arasında ona deyilən ayaması bu gün də unudulmayıb.
Həmin ayama ilə tanınan Abı ötən əsrin 90 -cı illərində uzun müddət pul alveri ilə məşğul olaraq həm də "dollar Abı" ləqəbi ilə tanınıb. Masallıda" Xan çinar" şadlıq sarayının və digər ticarət obyektlərinin sahibidir.
Spartak 2000- ci illərin ortalarında müğənni Xatirə İslamla bağlı macəralarına görə gündəmə gəlib. Külli miqdarda borca düşüb. Deyilənə görə "Hacı" Abı onun borclarını qaytarmağın vahiməsindən hətta şəkər xəstəliyi tapıb. Spartak bu gün ətrafına bəzi qoluzorluları yığaraq Masallıda münaqişəli tərəflər arasında mübahisəli məsələlərin haqq- hesabını (razborka) aparır, sələm tələb edir, qanuna sığmayan digər əməllərlə məşğul olur. Öyrəndiyimizə görə "Hacı" Abının və törəmələrinin azğınlıq etmələrinin əsas səbəbi Masallı rayon İHB- nın sabiq 1- ci müavini "Hacı"Nadir Abıyevlə qohumluq əlaqələridir. Belə ki, hər iki hacı qudadırlar. Spartak məhz həmin qohumluğa görə dəfələrlə cinayət məsuliyyətindən yayına bilib.
Bildirək ki, Spartak və qardaşı Azər tərəfindən vəhşicəsinə döyülən Emin Əhədov ruhi xəstədir. Xəstəliyinə görə pensiya alır. Tanıyanlar deyir ki, sakit həyat tərzi sürür. Kimsə ilə münaqişəsi olmur. Onun atası Əhəd Əhədov "Hacı" Abı ilə əmiuşağıdır. Bir şəcərəyə mənsubdurlar. Əhəd Əhədov vaxtilə "Hacı" Abıya kömək edib, ona dəstək olub. Onların arasındakı mübahisənin əsas səbəbi Əhəd Əhədovun babasından miras qalmış evin Masallı rayon İH- nin sabiq Başçısı Rafil Hüseynov tərəfindən 2020- ci ildə "Hacı" Abının kürəkəni, Masallı şəhərinin keçmiş ərazi nümayəndəsi Laçın Sadıqova 70 min ABŞ dollarına qanunsuz olaraq satılması olmuşdur. Alqı -satqı prosesində Masallı rayon İHB- nın hazırkı 1- ci müavini Məmmədhüseyn Hüseynov və İH -nin memarlıq və tikinti şöbəsinin müdiri Abas Mikayılov yaxından iştirak etmişlər. Yəni onların da hesabı ödənilib. Məhz bundan sonra Əhəd Əhədov ölkə Prezidenti İlham Əliyevə, Baş Prokuror Kamran Əliyevə və digər dövlət rəsmilərinə şikayət etmişdir. Masallının hazırkı İHB -sı Şahin Məmmədov isə Məmmədhüseyn Hüseynovun canfəşanlıq etməsi nəticəsində Masallı şəhərinin sabiq ərazi nümayəndəsi Kamal Mazanovu vəzifəsindən azad edib Prezident Adminstrasiyasına "günahkarın" cəzalanması barədə arayış göndərmişdir. Rayon İcra Hakimiyyəti rəhbərliyinin tamahı bu gün qonşular arasında "ədavət və kin ocağı yandırıb". Maraqlıdır ki, rayonun hüquq mühafizə orqanlarının məsul şəxsləri bu günə kimi Emin Əhədova ağır xəsarət yetirmiş Spartak və Azər Nadirovlar barəsində əsaslı hüquqi tədbirlər həyata keçirtmirlər. Kimsə başqasına bir sillə vurduqda Masallı rayon Polis şöbəsinin rəhbərliyi dərhal ölçü götürür və adamın sanki anadan əmdiyini burunlarından gətirirlər. Necə olur ki, adamı döyərək yarımcan vəziyyətə salmış qardaşlar barəsində susurlar? Masallı polisinin rəisi Azay Ağayevi susduran səbəb nədir?! Öyrəndiyimizə görə Emin Əhədovun döyülməsiylə bağlı rayon polis şöbəsində açılmış təhqiqatın aparılmasına İH- nin Başçısı Şahin Məmmədov və onun 1- ci müavini Məmmədhüseyn Hüseynov təzyiq göstərirlər. Onlar "Hacı" Abı ilə anlaşmanın qarşılığında cinayət işinin obyektiv təhqiqatına mane olurlar. Masallıda deyirlər ki, bütün qara daşların altından Məmmədhüseyn çıxır.
Araşdırmalarımız nəticəsində həm də öyrəndik ki, rayondakı kriminal aləmlə Məmmədhüseyn Hüseynovun sıx əlaqələri vardır. Məhz bu səbəbdən Şahin Məmmədov onunla yaxın münasibət saxlayır. Bazarlardan, ticarət şəbəkələrindən, sahibkarlardan və digər müəssisələrdən alınanlar Məmmədhüseynin vasitəsiylə lazımi yerə çatdırılır. Rayonda yaranmış anarxiyanın səbəbkarları məlumdur. İnsan hüquqlarının müdafiəsi və dövlət quruculuğu barədə bəlağətlə danışan Milli Məclisin deputatları - Məşhur Məmmədov və Anar İsgəndərov isə hələki susqunluq nümayiş etdirirlər. Zorakılıq isə hədd -hüdud tanımır və Spartak kimi "kabadayılar" cəmiyyətdə söz sahiblərinə çevrilirlər.
Ümid edirik ki, Respublikanın Daxili İşlər Naziri cənab Vilayət Eyvazov Masallı rayonundakı kriminal mühitin nəzarətə götürülüb tədbirlər görülməsi barədə ciddi tapşırıqlar verəcəkdir.
Spartak və qardaşı Azər kimi "kabadayıların" cinayət əməllərinə hüquqi qiymət veriləcək və himayədarları aşkarlanacaq. //gundelik-baku.com//