Bütün dünyada məhşur olan hit mahnılar musiqi alətlərimizin və muğam ifaçılarının iştirakı ilə milli və müasir improvizasiyada hazırlanıb. 

 “Mediatv.az”ın məlumatına görə, “ANS”in yeni layihəsi olan  “Bizimkilər”də tarzən Humay Qədimova, Ramiz Quliyev, Şəfiqə Eyvazova, Alim Qasımov və Fərqanə Qasımova, Ənvər Sadıqov, Rəşad İlyasov, Ənvər Sadıqov, Nazpəri Dostəliyeva, Almaz Orucova, Murad Dadaşov, Eldar Qasımov, Çingiz Mustafayev, İzzət Bağırov kimi sənət adamları yer alıb. 

 “Bu cür kollektivlə belə bir layihədə çalışmaq, əlbəttə ki qürurvericidir. Çəkilişlər başa çatıb. Burada əsas məqam dünyaca məhşur hitlərin milli alətlərimizdə səslənməsidir. Tarda əcnəbi musiqilərin səslənməsi bir başqadır. Milli alətimiz bu səpkidə də imkanlarını bir daha göstərə bildi. Tezliklə tamaşaçılar bunu ekran başından izləyəcəklər”-, deyə Humay Qədimova bildirib. 

Xatırladaq ki, layihənin ideya müəllifi Seyfulla Mustafayev, baş redaktoru Samirə Səfərəliyeva, aranjiman Yaşar Baxış, prodüserlər Nadirə Məmmədova və Aynur Hüseynovadır. 

Layihədə istifadə edilən hitləri təqdim edirik:

Stinq - Englishman İn New York

Deep Purple - Smoke On The Water

Dave Brubeck - Take Five

Maykl Cekson - They Don’t Care About Us

Queen - We Will Rock You

Erik Klapton -Wonderful Tonight

The Doors -Roadhouse Blues

Şade - Smooth Operator

İxali kozaki – Ukrayna xalq mahnısı

Viktor Tsoy – Kukuşka 

Мüslüm Maqomayevin repertuarından – Günəş çıxacaq.