Azərbaycanda müqəddəs Ramazan ayının Qədr (Əhya) gecələrinin tarixləri məlum olub.
Mediatv.az  xəbər verir ki, Qafqaz Müsəlmanları İdarəsinin (QMİ) açıqladığı rəsmi təqvimə əsasən, ilk Qədr gecəsi martın 8-dən 9-na keçən gecəyə təsadüf edir.
Təqvimdə digər mübarək gecələrin tarixləri də müəyyənləşib. Belə ki, ikinci Qədr gecəsi 10 mart, üçüncü gecə 12 mart, sonuncu Əhya gecəsi isə 16 mart tarixinə düşür.
Qeyd edək ki, bu il Azərbaycanda Ramazan ayı fevralın 19-da başlayıb. Ramazan bayramının tarixi isə Şəvval ayının hilalının görünməsindən asılı olaraq, böyük ehtimalla, 20 marta təsadüf edəcək.шаблоны для dle 11.2