Mediatv.AZ-ın məlumatına görə, Amerika istehsalı olan filmdə Meyson obrazını yaradan tanınmış aktyor Leyn Devis Bakıda tədbirə qatılacaq. 

O, VMF Şirkətinin ad gününə dəvət alıb. Bu gün baş tutacaq tədbirin digər fəxri qonağı isə Türk kinosunun canlı əfsanəsi Nebahat Çehre olacaq.

Qeyd edək ki, Bridcit və Cerom Dobsonların çəkdiyi və "sabun operası" kimi tanınan "Santa-Barbara" serialı ilk dəfə 1984-cü ilin 30 iyulunda ABŞ telekanalında efirə çıxıb. Sonuncu seriyanı isə tamaşaçılar 1993-cü ilin 15 yanvarında izləyiblər. Ümumilikdə 2137 seriyadan ibarət olan filmdə hadisələr Santa-Barbara şəhərində cərəyan edir.