Türkiyəli sənətçi xalq artisti Faiq Ağayevlə birlikdə “Günəbaxan” verilişinin qonağı olub. Akay yaradıcılıq planlarından bəhs edib: 

“Türkiyədə Müşərrəf adı azdır, Azərbaycanda çoxdur. Azəri Günel mənə dedi ki, siz 1978-ci ildə Azərbaycana gələndə anam bacıma hamilə imiş. Deyib ki, qızım olsa, adını Müşərrəf qoyacam. Günelin bacısının adı Müşərrəfdir. Burada Faiq Ağayevin qonağıyam. Faiqi görəndə tanımadım. İndi çox yaraşıqlı olub.  Faiqlə duet oxuyacağıq və bu mahnıya Azərbaycanda  klip çəkdirəcəyik.  Bundan əlavə  2 Azərbaycan mahnısı ifa edəcəm. Emin Sabitoğlunun “Ulduzlu gecə” bəstəsini də oxumuşam. Xanımı Xədicə Abbasovadan icazə alıb, sözlərini dəyişmişəm, Türkiyədə bu mahnı çox sevilir”.

Şəxsi həyatı ilə bağlı açıqlama verən sənətçi Azərbaycan gəlini olduğunu bildirib: 

“İkinci həyat yoldaşım gəncəli idi. Adı Əkbər idi. Azərbaycanı o qədər çox sevdim ki, azərbaycanlıya ərə getdim. Dedim ki, mən də Azərbaycan gəlini olum”.