Axşam.az Türkiyə mətbuatına istinadən xəbər verir ki, müğənni tutulma əmrindən sonra əslində qaçmayıb, daha əvvəl də iki dəfə əməliyyat olunduğu onkoloji problemlərinə görə həbsini yubadıbmış. Belə ki, o, yumurtalıqlarında yaranmış kistanın müalicəsi ilə məşğul olub. 

D.Səkinin həkimi ona kistanın 10 sm-dən böyük olduğunu və xərçəng hüceyrələri daşıdığını deyib. Sənətçi, təcili əməliyyata girməli olsa da, “İz” adlı albomunu hazırlamaq və planlaşdırdığı konsertləri vermək üçün müalicəni təxirə salıb, əməliyyata hazırlaşdığı günlərdə isə həbs qərarı verilib. 

Qeyd edək ki, tutulma əmri veriləndən sonra polis bir müddət Dəniz Səkini tapa bilməyib.  Müğənninin telefonları bağlı olduğundan telefon vasitəsilə izləmək də işə yaramamışdı. Hətta Dəniz Səkinin, yerini öyrənə bilməsinlər deyə kredit kartlarından da istifadə etmədiyi məlum olmuşdu.