“Elə bilirlər ki, şou xətrinə hicab bağlamışam” - Xuraman Şuşalı

Ana səhifə Bizimlə əlaqə

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Problem (13-12-2015, 21:29)
“Elə bilirlər ki, şou xətrinə hicab bağlamışam” - Xuraman Şuşalı

“Elə bilirlər ki, şou xətrinə hicab bağlamışam” - Xuraman Şuşalı

Ailə qurduqdan sonra şou-bizneslə vidalaşan, hicaba keçərək, həyat tərzinizi dəyişən müğənni Xuraman Şuşalı yaradıcılıq işlərindən danışıb.

Mediatv.az xəbər verir ki, Musavat.com saytının suallarını cavablandıran müğənni bildirib ki, yeni mahnılar üzərində çalışır:“Sənətdən uzaqlaşmamışam. Bəzi verilişlər mənim həyat və geyim tərzimə uyğun gəlmədiyi üçün o verilişlərdə iştirak edə bilmirəm. Düşünürəm ki, həmin verilişdə iştirak etməyim yersizdir. Yeni mahnılarım var, onları ifa edəcəyəm. Mən tələsmədən hərəkət edirəm. Məhərrəmlikdə mahnılar yazdırmadım, ağır aylardır, o ayların hörmətini saxladım. Sabahdan başlayaraq, yeni mahnılar yazdıracağam. Özümü sənətdən uzaqlaşmış hesab etmirəm. Sadəcə, öz yoluma çəkilmişəm. Bu, çətin və şərəfli yoldur. Müğənniliyə davam etdirirəm”.

- Məşhur müğənni olaraq, təmtəraqlı həyata gedən yoldan necə əl çəkdiniz?

- Məşhur müğənni olsam da, istədiyim həyat o deyildi. Mənim hazırda seçdiyim yol təmtəraqlı həyata, əbədi gözəlliyə aparır. Düşünürəm ki, hazırda seçdiyim yol, düz yoldur.

- Həyatınızın dəyişməsində həyat yoldaşınızın rolunu daim qeyd edirsiniz. Həyat yoldaşınızı hansı keyfiyyətlərinə görə seçib, ailə qurdunuz?

- Həyat yoldaşımda Allah sevgisi, qorxusu var. Ən sevdiyim xüsusiyyəti budur. Biz dostluq edən müddətdə onun Allaha nə qədər bağlı insan olduğunu gördüm, daha sonra aramızda sevgi yarandı. Deyirlər ki, həyat yoldaşıma görə hicab bağlamışam. Allah eşqi olduğu üçün hicaba keçdim, bir gecənin içərisində qərar verdim. Hicab bağlamağım şouya və ya yoldaşıma görə deyil. Allah mənim hicab bağlamağımı istəyib. Xanımlar da ürəyində Allah sevgisi olan bəylərlə ailə qursunlar, o zaman o insan etdiyi hərəkətlərə özü diqqət yetirir. Xanımı qısqanacaq və ya narahat olacaq deyə deyil, günah etməmək üçün özünə, hərəkətlərinə diqqət edir.

- Bir neçə ildir ki, hicab bağlayırsınız. Amma bu addımınız hələ də müzakirə olunur. Bu, sizə necə təsir edir?

- Bəziləri düşünürlər ki, şou xətrinə hicab bağlamışam. Yanvarın 16-da hicab bağlamağımın üçüncü ili tamam olacaq. Şou bir-iki gün olar, 3 il şou olmaz. Hicab mənim axirətim və bu günüm üçün olan şeydir. Allahın əmridir, Allahın qəzəbindən qorxan insan kimi bu əmri yerinə yetirmişəm. Hicab vacib amildir. Bu dünyamı və axirətimi itirməməkdən ötrü vacibatımı yerinə yetirirəm.

- Uzun illərdir ki, sənətdəsiniz. Bu sahədə nələri bəyənmirsiniz?

- Bu sahədə paxıllığı və verilişlərin təqdimatını bəyənmirəm. Bəzi verilişlərdə məni həyasız adam kimi təqdim ediblər. Məni yaxından tanıyanlar deyirlər ki, “Xuraman efirdə səni fərqli təqdim edirlər, olduğun kimi görünmürsən”. Montaj etmək, süjet yığmaq verilişlərin yaradıcı heyətinin əlindədir. Bəzən məni elə mövzulu proqrama çağırırdılar ki, özümdən çıxırdım. Allaha şükür olsun ki, əksər verilişlərdə bu cür hallar yığışdırılıb. Ruzini verən Allahdır. Heç kim heç kimə paxıllıq etməsin, uğurunun qarşısını kəsməsin. Əsas odur ki, halal ruzinin dalınca qaçaq, ailəmizə, sevdiklərimizə halal çörək yedizdirək. Haram insanı harama aparar. Allah bizə az yetirsin, halal yetirsin. Qazancımızı rahatlıqla yeyək, can sağlığımız olsun.

- Şou-biznesdə dostlarınız kimlərdir?

- Dostlarım çoxdur. Elnarə Xəlilova, Elnur Məmmədov, Səidə Sultan, Natəvan Həbibi pis günümdə yanımda olacaq dostlarımdır. Allah onlara pis gün qismət etməsin. Daim yanlarında olmağa hazıram.

- Müğənni olmağınıza, şou-biznesə qoşulmağınıza görə peşman olmamısınız ki..?

- Həyatımı çox müzakirə etmirəm. Bilmədən etdiyimiz günahları, günah hesab etmirəm. O zaman mən düşünürdüm ki, düzü odur. Əsas odur ki, düzü tapasan, peşman olacağın yola getməyəsən. Müğənni olmağıma peşman deyiləm. Allah mənə gözəl səs, aktrisalıq qabiliyyəti verib. Bacarığı doğru istiqamətdə istifadə etmək lazımdır. İndi qadın məclislərinə gedirəm. Aktyorluq qabilliyyətim var. İncəsənət Gimnaziyasını, Konservatoriyanı bitirmişəm, dahi sənətkarların tələbəsi olmuşam. Bu gün böyük ansamblım, qadın işçi heyətim, toy, xına dekorum var. Məclislərin təşkilatçılığını boynuma götürüb, öhdəsindən gəlirəm. Həm ailəmin ruzisini qazanıram, həm də sevdiyim sənətlə məşğulam. Oxuyuram, sənətdən uzaqlaşmamışam. Yalnız içki məclislərində iştirak etmirəm, mənə uyğun olmayan verilişlərə çıxmıram.

- Dindar və ailəli xanım olaraq, Xuraman Şuşalının qadınlara, gənc qızlara hansı tövsiyələri var?

- Ailə qursunlar, ailələrini övladlarını birinci tutsunlar. Ailələrini karyeralarına qurban verməsinlər. Karyeranı həmişə qurmaq olar. Həyatlarını ailələrinə, övladlarına həsr etsinlər. Hər hansı tamaşaçı rəğbətinə görə ailədən uzaqlaşmasınlar. Ailə daim insanın yanında olur, pərəstişkar isə sabah başqa müğənniyə fanatlıq edə bilər. Dünən bir nömrəli adlandırdığımız müğənninin fanatları, bu gün başqalarına pərəstiş edirlər. Qadınların özlərini kiməsə, nəyəsə qurban vermələrinin tərəfdarı deyiləm. Hər şey miqdarında gözəldir.

- Elnarə Xəlilova dördüncü dəfə hamilədir. Bəs, siz yenidən ana olmağı düşünmürsünüz?

- Allah övladını sağ-salamat dünyaya gətirsin. Elnarə ilə dostuq. Yenidən ana olmasına çox sevindim. Amma dördüncü dəfə ana olmaq haqda düşünmürəm. Uşaqlarım çox körpədir. Elnarənin kiçik oğlu mənim böyük övladımla yaşıddır. Balaca övıadımın 1 yaşı var. Dalbadal ana olmaq səhhətimdə problem yaratdı. Allah verdiklərini göz dolusu versin. Yenidən ana olmaq planlarımda yoxdur.

- Ölkədə maliyyə böhranı var. Toy və xınayaxdı mərasimlərinin qiymətlərində endirim edəcəksinizmi?

- Böhrana görə 50 faiz endirim etmişəm. Xına, toy məclislərinə baha qiymətə getmirəm. Daim qarşımdakı insanın maddi durumunu nəzərə almışam. Allah bütün subaylara toy qismət etsin.