Müğənni Afaq Aslanla həmkarı Aytac Vidadiqızı arasında olan qalmaqal səngimək bilmir. Müğənnilər arasında olan qalmaqala Bakı şəhəri Yasamal rayon məhkəməsində baxılıb və qərar oxunub. Qərara əsasən A.Aslan A.Vidadiqızından üzr istəməli və mənəvi ziyana görə iddiaçıya iki min manat təzminat da ödəməlidir

Mediatv.az-ın məlumatına görə, A. Aslan açıqlama verərək bildirib ki, qərardan Apelyasiyaya şikayət edəcək: “Bu hələ son qərar deyil. Apelyasiyaya şikayət edəcəm. Aytac deyəsən fantaziyalı kinolar çox baxıb. Ən böyük arzularından biri də odur ki, məhkəmədə məndən pul udub, banka olan borclarını bağlasın. O, hələ ümidlə yaşayır ki, mən ondan üzr istəyim. Məndən 50 min təzminat istəyirdi. Amma məhkəmənin qərarına əsasən 2 min təzminat kəsildi. Ondan üzr istəməyimi ağlına belə gətirməsin. Onun məndən teləb etdiyi pulun bir neçə qatını ona ödətdirərəm. Nə demişəm, dediyimin üstündə də dururam. Son gülən, ən yaxşı güləndi. Deyəsən hələ məni yaxşı tanımır”.

Onu da əlavə edək ki, A.Vidadıqızı A.Aslanı bu sözlərə görə məhkəməyə verib: “Bu Aytac həmin insandır ki, mən onun evinə söhbətə getmişdim ki, müəyyən edim ki, niyə mənim sevgilimlə yatmısan? Həmin vaxt o, qapını açarla bağladı ki, bu gecə mənimlə yatacaqsan. Mən səni buraxmıram. Bu gecə mənimlə yat, ürəyin nə istəyir alacam sənə. Ölürəm sənin üçün”. Razılaşmadım. Onun evindən qırğınla çıxmışam. Onda bildim ki, o lezbiyan imiş. Üzünə də deyərəm. Getsin, lezbiyanlığının dərdini çəksin. Otelləri tanımayan xanım, nədənsə otellərin ulduzuna çevrilib. Onu bütün respublika gözəl tanıyır. Nə yolun yolçusu olduğunu hamı bilir”.

Qeyd edək ki, Aytac Vidadiqızının vəkili Tahir Əlirzayev isə məhkəmənin yekunu olaraq bu sözləri deyib: “Məhkəmə qətnaməsində göstərilib ki, Afaq Məcidqızı həmkarı Aytac Vidadiqızı ilə bağlı yaydığı yalan məlumatlara görə təkzib verərək üzr istəməlidir. Bundan başqa, Afaq Aslan vurduğu mənəvi ziyana görə iddiaçıya iki min manat məbləğində təzminat da ödəməlidir”.