Aparıcı Xoşqədəm Hidayətqızı "Sən tək deyilsən" verilişində göz yaşlarını saxlaya bilməyib. 

Mediatv.az axşam.az-a istinadən xəbər verir ki, aparıcı efirə ağlaya-ağlaya başlayıb. 

Xalq artisti Habil Əliyevin ölüm xəbərindən çox təsirləndiyini bildirən X.Hidayətqızı kaman ustası ilə yaxın dost olduğunu vurğulayıb:

"O, mənim ən yaxın dostum idi. Deyəcəklər ki, aranızda bu qədər yaş fərqi var, necə dostsunuz.

Hər verilişdən sonra mənə zəng edib, fikirlərini, iradlarını bildirirdi. Onun ölüm xəbərini aldığım andan böyük sarsıntı, ürək ağrısı keçirmişəm. Onun ölümü mənə çox təsir edib. Elə bilirəm ki, atamı itirmişəm".

Halı pisləşən X.Hidayətqızı daha sonra efirə ara verilməsini istəyib.