Xalq artisti Brilliant Dadaşova qonaq olduğu proqramda şəxsi həyatı ilə bağlı maraqlı açıqlamalar verib.

Azərbaycan Respublikasının Xalq artisti, tanınmış müğənni Brilliant Dadaşova ANS TV-nin efirində yayımlanan “Əslində mən” proqramının qonağı olub. 

Azərbaycanlı məşhurların eksklüziv açıqlamalarının yer aldığı proqramda Xalq artisti Brilliant Dadaşova ailə həyatından, həyat yoldaşının xarakterindən söz açıb.

“Cavan qızlar həmişə atalarına bənzəyən oğlanlardan xoşlanırlar. Mən də yoldaşımı atama bənzətmişdim. O bəy ağdır, çox təmkinlidir, sakitdir atam kimi. Eləcə də siqaret çəkməyib, spirtli içkilərdən uzaqdır. Başqa cür insanla yaşaya bilməzdim. Ona görə də atama bənzəyən bir oğlan seçdim və sonra da göründü ki, seçimim düz imiş – 26 ildir bir yerdə yaşayırıq”, - deyə B.Dadaşova səmimi etiraflar edib.