“Sometimes I Feel Like a Motherless Child”.

“O səs Türkiyə”də bu mövsümün qalibi seçilən azərbaycanlı ifaçı Elnur Hüseynov qardaş ölkədə televiziya proqramlarından birinə qatılıb.

"Mediatv.az" ANS PRESS-ə istinadən xəbər verir ki, “O səs Türkiyə”də qələbəsindən sonra daha da çox populyarlaşan və sevilən gənc ifaçı Elnur Hüseynov bu gecə qonaq olduğu “Bəyaz Show” proqramında canlı performansı ilə izləyicilərin qəlbini oxşayıb.

Məşhur teleaparıcı-şoumen Elnurun “Sometimes I Feel Like a Motherless Child” mahnısından sonra onun səsinə olan heyranlığını bildirib və səs tembri ilə bağlı bir az açıqlama verməsini istəyib.

Elnur Hüseynov isə dram tenor səs diapazonuna malik olduğunu diqqətə çatdırıb. Lakin Bəyaz “diapazon” sözünü başa düşməyib və verilişdə qonaqlar arasında qısa zarafatlaşma yaşanıb.

Qeyd edək ki, “O səs Türkiyə”dəki ilk ifası ilə bütün Türkiyəni heyran edən E.Hüseynov Ebru Gündəşin komandasında mübarizə apararaq finala qədər gəldi və ən nəhayət, verilişin son buraxılışında mövsümün birincisi seçildi.