İsrailin şimalında yerləşən Akko şəhərində populyar meyxana janrına həsr edilmiş musiqi axşamı təşkil olunub. 

“Azİz” İsrail-Azərbaycan Beynəlxalq Assosiasiyasının mətbuat xidmətindən AzərTAc-a verilən məlumata görə, meyxana ustaları Balakişi Həmzəyev və Ramiz Hüseynov məxsusi bu musiqi axşamında iştirak etmək üçün Bakıdan Akkoya gəliblər. Onlar israilli meyxanaçılar Seymur Qəniyev, Zaur Quliyev və Mehman Quliyevlə “yarışıblar”. Gecədə həmçinin “qafqazlı” populyar İsrail müğənniləri Tomer Əliyev və İlqar Mixaylov da iştirak ediblər. Meyxanaçıları gitarada Rafiq Əsədov və klavişli alətlərdə İsaq Torpiaşvili müşayiət ediblər.