"Mediatv.az"  xəbər verir ki, bu haqda məlumatı Türkiyənin “haberler” saytı yayıb.

Azərbaycan Dövlət Filarmoniyasının kadrlar şöbəsindən adının açıqlanmasını istəməyən bir şəxs Elnur Hüseynov haqda maraqlı açıqlamalar verib.

Həmin şəxsin sözlərinə görə Elnur ailəsiylə bağlı məlumatları hər zaman gizlədir:

"Elnurun atası hərbçi olduğu üçün daim ev dəyişirdilər. Yəqin ki, Elnurun ailəsi Bakıda birinin evində kirayədə qalırdı. Biz onu Filarmoniyaya çox gənc işə götürmüşdük. Onun hər şey əldə edə biləcəyinə inanırdıq. Hamı Elnurdan böyük uğur gözləyirdi. O, Ukraynaya getmək istəyirdi. Ancaq biz onun başına bir iş gələcəyindən qorxurduq. Elnurun atası hərbçi idi. Anası da böyük ehtimalla musiqi sahəsini bitirmişdi. Amma anası işləmirdi. Elnurun bir qardaşı vardı”. 

“Elnur çox zaman Bakıda tək qalırdı. Biz Elnurun nailiyyətlərinə həmişə sevinmişik. O, ilk dəfə bizim yanımıza gələndə biz Elnurun ailəsi haqqında məlumatlar toplamağa çalışmışıq. Lakin heç bir şey əldə edə bilmədik. Özü ailəsi ilə bağlı heç nə danışmırdı. Elnur tez-tez konsert verərdi”.

“Elnur gizlətsə də o, Bakıda ailəsindən ayrı yaşayırdı. Adətən, ailəsi ilə bağlı məsələlər onu maraqlandırmırdı. Səbəbini deyə bilmərəm, amma o, anası haqqında bütün məlumatları gizlədirdi. Bəlkə ailəsi ondan imtina etmişdi".