Azərbaycan Dövlət Akademik Opera və Balet Teatrının direktoru, Əmək­dar incə­sə­nət xadimi Akif Məlikov işdən çıxarılıb.

Mediatv.az "Report"a istinadən xəbər verir ki, bununla bağlı müvafiq əmr imzalanıb.

A.Məlikovla imzalanan müqavilənin müddəti qurtarıb. Yaş həddinə görə onunla yeni əmək müqaviləsi imzalanmayıb.

Lakin teatrdan xəbərin doğru olmadığını deyiblər: “Akif Məlikov iş başındadır”. 

Qeyd edək ki, A.Məlikov 1950-ci ildə Bakı şəhərində anadan olub. O, 1987-ci ildə Azərbaycan Dövlət Akademik Opera və Balet Teatrının sərəncamçı direktoru, 1989-cu ildə isə direktor vəzifəsinə təyin edilib və bu günə kimi həmin vəzifəni icra edib.