İrəvanda İran vətəndaşının meyiti tapılıb. 

Gecə saat 00:10 radələrində xəstəxanadan polisə bildirilib ki, Amiryan küçəsindən naməlum kişi meyiti gətirilib.

Daha sonra kişinin “Armeniya – Mariott” otelinin yanında vurulduğu bildirilib.

Kişinin şəxsiyyətini müəyyən edən zaman onun İran vətəndaşı 1959-cu il təvəllüdlü Esfandiyar Kayhan olduğu məlum olub. Onun etnik azərbaycanlı olduğu düşünülür. 

Qeyd edək ki, İrəvanda Cənubi Azərbaycandan gəlmiş çox sayda etnik azərbaycanlı yaşayır.

Onlar əsasən şəhərin türk məhəlləsi deyilən gecəqondu hissəsində kirayədə qalırlar. İran vətəndaşları əsasən bazarda alver edirlər və onlar yerli xalqla ticarəti Azərbaycan türkcəsində aparırlar. Bu məsələ bir çox erməni şərhçilərini narahat edir.

“Əgər biz hər gün avtobusda türkcə danışıq eşidəcəkdiksə, o zaman yüz illərlə çörək kəsdiyimiz öz azərbaycanlılarımızı niyə çıxardırdıq?” deyə şərhçilər sual verirlər. (ans)