Bakı Ağır Cinayətlər məhkəməsində Ağsu şəhər sakini Ülvi Mirzəyevin cinayət işinin baxışı yekunlaşıb. 

“Mediatv.az” xəbər verir ki, bu il martın 25-də axşam Ülvi Mirzəyev Nizami rayon ərazisində əvvəllər tanıdığı Mübariz Eyvazovu bıçaqlayıb, nəticədə sonuncu sağlamlığa 3 saylı kliniki şəhər xəstəxanasına çatdırılıb. Elə həmin axşam təqsirləndirilən şəxs RPİ-nin əməkdaşları tərəfindən saxlanılıb. 

Müəyyən edilib ki, Nəvai küçəsi, 9 ünvanda yerləşən "Sürücü" kafesinin yaxınlığında Ülvi Mirzəyev təsadüfən Mübariz Eyvazovla rastlaşıb, mübahisəyə sonuncunun əvvəllər ondan aldığı avtomobilə dair etibarnamə verməməsi səbəb olub. Mübahisə zamanı Eyvazov Mirzəyevin özünün və ailə üzvlərinin ünvanına ağır söyüşlər işlətdiyinə görə, Ülvi bıçaqla Mübarızə zərbələr endirib. 

Məhkəmənin hökmü ilə Ü.Mirzəyev cəzasını ciddi-rejimli cəza-çəkmə müəssəsində 4 il müddətinə azadlıqdan məhrum edilib.