Türkiyənin hüquq-mühafizə orqanları “Petkim Petrokimya Holding A. Ş.”-də növbəti dəfə əməliyyat keçirir.

Mediatv.az  “Hürriyyet” qəzetinə istinadən xəbər verir ki, əməliyyat “FETÖ araşdırması” çərçivəsində baş tutub.

“Türkiyə polisi “Petkim”ə aid 4 ayrı ünvanda əməliyyat aparır. Əməliyyat davam edir”, – qəzet yazır.
Saxlanılanlar barədə hər hansı məlumat yoxdur.

Xatırladaq ki, bundan öncə Türkiyə polisi 2 dəfə “Petkim”də axtarış aparıb. Axtarışlar nəticəsində 31 nəfər saxlanılsa da, sonradan onlardan 6-sı sərbəst buraxılıb. Həbs olunanlar arasında “Petkim” baş direktoru Sadettin Korkut və rəhbərlikdə təmsil olunan 13 şəxs olub.