Bakı şəhər Baş Polis İdarəsi ötən gün partaxtda baş verən kriminal hadisələrlə bağlı məlumat yayıb. “Qafqazinfo” həmin xəbərləri təqdim edir: 

Fevralın 6-sı saat 18 radələrində Bül-Bül prospektində naməlum şəxs Bakı şəhər sakini Natiq Həsənovun üz nahiyyəsindən yumruqla vuraraq pul kisəsini əlindən alıb qaçıb. Keçirilmiş əməliyyat tədbirləri nəticəsində quldurluqda şübhəli bilinən, əvvəllər məhkum olunmuş Oqtay Əliyev Nəsimi RPİ 22-ci PB və Post-Patrul Xidməti Bölüyünün əməkdaşları tərəfindən tutulmuş və ondan 2,822 qram tiryək aşkar olunaraq götürülüb.

Fevralın 5-nə keçən gecə Mərdəkan qəsəbə sakini Rəşad Şükürova məxsus, Yesenin küçəsində yerləşən mağazadan, pəncərəni açma yolu ilə 250 manat oğurlanmışdır. Xəzər RPİ 1-ci PB-nin keçirdiyi əməliyyat tədbiri nəticəsində oğurluqda şübhəli bilinən Bakı şəhər sakinləri - Elvin Məmmədov və İlqar Əzizov yaxalanıb.

Yasamal RPİ Narkotiklərlə Mübarizə Bölməsinin keçirdiyi əməliyyat tədbirləri nəticəsində Siyəzən rayon sakini Əli Babazadədən 455 qram marixuana aşkar olunaraq götürülüb.

Suraxanı RPİ Cinayət-Axtarış Şöbəsi və 32-ci PB-nin keçirdiyi əməliyyat tədbirləri nəticəsində AR Cinayət Məcəlləsinin 177-ci (oğurluq) maddəsilə axtarışda olan Ceyhun Vəliyev tutulub.