Qax. Vüqar Heydərov - APA. Qaxda külli miqdarda narkotik tərkibli bitki məhv edilib.

Rrayon Polis Şöbəsindən APA-nın Şəki-Zaqatala bürosuna verilən məlumata görə, Qax RPŞ-nin əməkdaşları rayon ərazisində narkotik tərkibli bitkilərin olduğu ərazilərin aşkarlanaraq məhv edilməsi istiqamətində əməliyyat tədbiri keçirib. Tədbir nəticəsində  rayonun Fıstıqlı kəndi yaxınlığında meşə zolağının boş istifadə olunmayan 3.5 hektar ərazidə yabanı halda bitmiş narkotik tərkibli bitki hesab edilən çətənə kolları aşkarlanıb.

Ərazidən ümumi çəkisi 3 ton 250 kq olan, 7244 ədəd çətənə kolu yığılaraq yandırılıb.

Qax RPŞ-dən APA-ya  bildirilib ki, narkotik tərkibli bitkilərin yerinin müəyyən edilərək dövriyyədən çıxarılması istiqamətində tədbirlər davam etdiriləcək. 

Mediatv.az