ABŞ-ın hüquq-mühafizə orqanları həbsxanadan 56 il əvvəl qaçan yaşlı kişini saxlayıblar. Modern.az-ın xarici KİV-ə istinadən verdiyi xəbərə görə, Ohayo ştatının sakini Frank Freşuoters 1957-ci ildə öz avtomobili ilə piyadanı vurub öldürdüyünə görə mühakimə olunub. Sonradan onu girov müqabilindəa zadlığa buraxıblar, ancaq sonradan yenidən həbsxanaya göndəriblər.

Frank 1959-cu ilin sonlarında həbsxanadan qaçdığına görə indiyədək axtarışda olub. Onu 1975-ci ildə Qərbi Virciniya ştatında həbs etsələr də, qubernator hansısa səbəbdən ekstradasiya etməkdən imtina edib.

İndi isə onu başqa ştatda tutublar. Frank yaxın zamanda Ohayo ştatına ekstradasiya olunacaq.