“Azərbaycan Dəmir Yolları” QSC gömrük qaydalarını pozduğuna görə barəsində cərimə protokolu imzalanıb.
Tribuna.az xəbər verir ki, QSC-nin İnzibati Xətalar Məcəlləsinin gömrük qaydaları əleyhinə olan 490-cı maddəsini pozduğu məlum olub. Tələbi pozulan maddəyə əsasən, gömrük rəsmiləşdirilməsi qaydasının pozulmasına, yəni gömrük rəsmiləşdirilməsinin başlanması və başa çatması, onun keçirilmə yeri, vaxtı və üsulu barədə müəyyən olunmuş tələblərə riayət edilməməsinə və ya gömrük rəsmiləşdirilməsinin sadələşdirilmiş qaydasının tətbiqi şərtlərinə əməl edilməməsinə görə, fiziki şəxslərə xəbərdarlıq edilir və ya onlar iyirmi manatdan əlli manatadək məbləğdə cərimə edilir, vəzifəli şəxslərə xəbərdarlıq edilir və ya onlar yetmiş beş manatdan yüz əlli manatadək məbləğdə cərimə edilir, hüquqi şəxslər iki yüz əlli manatdan beş yüz manatadək məbləğdə cərimə edilir.
“Azərbaycan Dəmir Yolları” ilə bağlı iş baxılması üçün Nəsimi rayon Məhkəməsinə göndərilib. 14 yanvar tarixində hakim Elməddin Hüseynovun sədrliyi ilə işə baxılacaq.
Qeyd edək ki, “Azərbaycan Dəmir Yolları” QSC-nin sədri Rövşən Rüstəmovdur.шаблоны для dle 11.2