“Qaradağ Çörək Zavodu” ilə bağlı cərimə protokolu imzalanıb.
Tribunainfo.az xəbər verir ki, çörək zavodunun İnzibati Xətalar Məcəlləsinin 276-1-ci maddəsini pozduğu məlum olub. Tələbi pozulan maddəyə görə, Təhlükə potensiallı obyektlərin “Texniki təhlükəsizlik haqqında” Azərbaycan Respublikasının Qanununa əsasən dövlət reyestrində qeydiyyatdan keçirilməməsinə görə, fiziki şəxslər beş yüz manatdan min manatadək məbləğdə, vəzifəli şəxslər iki min beş yüz manatdan üç min beş yüz manatadək məbləğdə, hüquqi şəxslər beş min manatdan on min manatadək məbləğdə cərimə edilir.
“Qarabağ Çörək Zavodu” ilə bağlı iş baxılması üçün Gəncə Apellyasiya Məhkəməsinə göndərilib. 14 fevral tarixində hakim Nural Əliyevin sədrliyi ilə işə baxılacaq.
Qeyd edək ki, cərimələnməsi gözlənilən Bərdə rayonunda fəaliyyət göstərən “Qarabağ Çörək Zavodu”nun rəhbəri Fizuli İsmayılovdur.
Qarşı tərəfi dinləməyə hazırıq.