Bu gün 143 milyonluq oğurluq işində 5 şahid yenidən dindiriləcək

Ana səhifə Bizimlə əlaqə

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

İşğal və təcavüz faktı olmasaydı… - Hacıyev

Kriminal (7-06-2024, 12:13)
Bu gün 143 milyonluq oğurluq işində 5 şahid yenidən dindiriləcək

Bu gün, iyunun 7-də Bakı Hərbi Məhkəməsində hakim Fikrət Əliyevin sədrliyi ilə Müdafiə Nazirliyi Maliyyə və Büdcə İdarəsinin sabiq rəisi general-mayor Nizami Məmmədovun cinayət işi üzrə məhkəmə prosesi davam etdiriləcək.

Nizami Məmmədovla birgə müttəhimlər kürsüsünə Hərbi Hava Qüvvələrinin Maliyyə Xidmətinin sabiq rəisi, polkovnik Cəlal Kazımov, Quru Qoşunların Maliyyə İdarəsinin rəisi Bayram Bayramov və Hərbi Dəniz Qüvvəllərinin Maliyyə Xidmətinin sabiq rəisi Vüsal Əlizadə çıxarılıblar.

Musavat.com xəbər verir ki, ötən prosesdə 5 şahidin təkrar dindirilməsi barədə qərar qəbul olunub.

Hakim bildirib ki, həmin şahidlər əvvəlki iclasda dindiriliblər, amma onların həmin dövrdən sonra dövlətə dəymiş ziyanın ödənilməsinin nə yerdə olmasını müəyyən etmək üçün təkrar məhkəməyə çağırılmaları istənilib.

Həmin şahidlərdən biri Emin Poladovdur. O, 2015-2020-ci illərdə Cəmşid Naxçıvanski adına Ali Hərbi Məktəbdə, Silahlı Qüvvələrin Təlim və Tədris Mərkəzində, Baş Klinik Hərbi Hospitalda və son olaraq “N” saylı hərbi-hissədə maliyyə xidmətinin rəisi olub. O, hazırda ehtiyatda olan zabitdir.

Məhkəmədə təkrar ifadə verən Emin Poladov bildirib ki, onun tərəfindən dövlətə vurulan ziyan 2 milyon 621 manatdır. İstintaq zamanı 525 min manat ziyan ödəyib.

Məhkəmədə məlum olub ki, Emin Poladov bundan əvvəl məhkəmədə dindirilən zaman ziyanın ödənilməsi ilə bağlı söz versə də, ödəniş etməyib. Onun diqqətinə çatdırılıb ki, ziyanı ödəməyən şahidlər istintaq orqanına dəvət olunur, barələrində qətimkan tədbiri seçilir.

Suallara cavab verən Emin Poladov deyib ki, yaxın zamanlarda ziyanın ödənilməsi üçün çalışır.

Digər təkrar dəvət olunan şahid Elşən Salamov deyib ki, hazırda "N" saylı hərbi hissədə Maliyyə Xidmətinin bölmə rəisi işləyir. İstintaq zamanı 261 min manat ödəniş edib, amma ondan sonra ziyanın ödənilməsi üçün heç bir tədbir görməyib.
Məhkəmədə məlum olub ki, Elşən Salamov dövlətə 1 milyon 573 manat ziyan vurub. Hər iki şahidə dövlətə dəymiş ziyanın ödəmələri məsləhət görülüb. Əks halda onların barəsində sərt tədbir görüləcək.

Hakim Fikrət Əliyev deyib ki, prosesdə 5 şahiddən ikisi iştirak edir, digər 3 şahidin iştirakı isə növbəti iclasda, yəni bu gün, iyunun 7-də təmin olunacaq.

Vəkil Rəşad Mirmehdizadə Müdafiə Nazirliyinin Maliyyə və Büdcə İdarəsinin sabiq rəisi Namiq Poladovun dindirilməsini ilə bağlı geniş vəsatəti olacağını bildirib.

Qeyd edək ki, Müdafiə Nazirliyinin Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin (HHQ) Maliyyə Xidmətinin sabiq rəisi polkovnik Cəlal Kazımov, Quru Qoşunların maliyyə idarəsinin sabiq rəisi Bayram Bayramov, Hərbi Dəniz Qüvvələrinin maliyyə xidmətinin sabiq rəisi Vüsal Əlizadə, Müdafiə Nazirliyinin Satınalmalar və Təchizat İdarəsinin sabiq rəisi polkovnik Mahir Şirvanov, həmçinin nazirliyin Satınalmalar və Təchizat İdarəsinin sabiq rəisi Məlikməmməd Qurbanov, nazirliyin mənzil istismar idarəsinin sabiq rəisi polkovnik Fikrət Mirzəyev Dövlət Təhlükəsizliyi Xidmətinin keçirdiyi xüsusi əməliyyat nəticəsində həbs ediliblər.

Təqsirləndirilən şəxslər dövlət büdcəsindən ayrılan pulları mənimsəməkdə ittiham edilirlər.

Xatırladaq ki, cinayət işi üzrə ümumilikdə dövlətə dəymiş ziyan 143 milyon manatdır.

Cinayət işləri ayrı-ayrı icraatlarda baxılması üçün məhkəməyə göndərilib. İstintaq dövründə dövlətə vurulmuş ümumi ziyanın 40 milyon manatı ödənilib.

Cinayət işi üzrə Maliyyə Nazirliyi zərərçəkmiş qismində tanınıb. Təqsirləndirilən şəxslərin hər biri Cinayət Məcəlləsinin 179.4-cü (xüsusi ilə külli miqdarda ziyan vurmaqla mənimsəmə törətmək) maddəsi ilə ittiham irəli sürülüb.