“Mediatv.az” xəbər verir ki, Ə. Əhmədov bildirib ki, hazırda dərman preaparatlarının qiymətinin tənzimlənməsi istiqamətində iş gedir: 

“Çalışmaq lazımdır ki, Azərbaycanda dərmanların qiymətləri dövlət tərəfindən tənzimlənsin. Dünya ölkələrinin əksəriyyətində bu belədir. Azərbaycan da bu yolla getməlidir. Bu istiqamətdə müəyyən addımlar atılıb. Bir yandan qiymətlər optimal olmalıdır ki, insanlar dərmanı ala bilsinlər. Eyni zamanda nəzərə alınmalıdır ki, Azərbaycanda dərman preaparatları istehsal olunmur, xaricdən gətirilir. Elə olmalıdır ki, sahibkar dərmanın Azərbaycana gətirilməsində maraqlı olsun. Bu maraq nəzərə alınmasa, sahibkar dərmanı Azərbaycana gətirmək istəməyəcək. Vətəndaş və sahibkar marağının uzlaşdırılması o qədər də asan məsələ deyil. Amma güman edirəm ki, görülən işlərin nəticəsinin yaxın zamanda şahidi olacağıq”.