Mediatv.az xəbər verir ki, Aydın Mirzəzadə facebook hesabında yazdığı statusunda hər kəsin sərbəst toplaşma hüququnun olduğunu xatırladıb.

"Bu gün həmkarım Etibar Hüseynov saat 15:00-da “Məhsul” stadionunda mitinqdə iştirak edən şəxslər barədə aşağılayıcı şərh yazıb. Mən onun bu sözlərinə etirazımı bildirirəm.

Kimin nə siyasi əqidədə olmasından asılı olmayaraq onun şəxsiyyətinə toxunmaq, onu aşağılamaq olmaz. Mən mitinqçilərin fikri və şüarları ilə razı deyiləm və həmişə onlarla siyasi polemikada olacağam.

Ancaq Azərbaycan hüquqi, demokratik ölkədir və hər kəsin sərbəst düşünmə və qanunla qadağan edilməyən siyasi mövqe tutmaq hüququ vardır. Dövlətimiz bu hüquqların təminatçısıdır, məhz belə aksiyada hər kəsin həm hüququ qorunur, həm də hər bir iddialı siyasi qüvvənin gücü görünür".

Qeyd edək ki, deputat  Etibar Hüseynov  "Məhsul" Stadionuna mitinqə gedən müxalifətçiləri qoyuna bənzədən status yazmaqla diqqətə düşüb