“Çox güclü” kateqoriyasına daxil edilmiş, cari ildə sayca 19-cu olan növbəti tufan dəniz üzərində cənubdan şimala doğru hərəkət edir. Proqnozlara görə, tufanın oktyabrın 11-də Yaponiyanın Okinava adalarına yaxınlaşacağı və Kyuşu adasının cənub sahillərinə doğru hərəkət edəcəyi gözlənilir.

Yaponiya Meteorologiya İdarəsi xəbərdarlıq edərək bildirir ki, tufan leysan yağışlar və güclü külək gətirir. Dənizdə isə hündür dalğalar gözlənilir.

Tayfunun episentrində atmosfer təzyiqi 920 hektopaskala, küləyin sürəti isə saatda 250 kilometrə çatır.
Oktyabrın 11-də günortadan sonra Okinava və Amamidə sutka ərzində 200-300 millimetr yağıntı düşəcəyi gözlənilir.